*******(((ابوذیّات الشاعر ایوب زرگانی کربلایی)))****

الوکت ظالم   یخی  مشهود  ظلما

نکبنی  او لا تظن  بلعین   ظلما

العنده اسرای یمشی ادروب ظلما

((وآنه اسرای ابضواه ابخل علیّه))

      *****************************

هجرکم سر وآنه الحایر بکتما

والوم العین  شو مو دم  بکتما

سحاب الناس  معروفه  بکتما

(اوسحابی ایکت علی محنه اوأذیّه)

************************

الاهی اگلیبی امنل هَم تسلما

أثر  هَمّه   بعیونی    تسلما

بیدی ردت  محبوبی  تسلما

(واریدابرحمتک تعطف علیّه)

 **********************

اخو  البضیج  یبرالک  وکبرا

ابضیجه او احترم شانه وکبرا

دشیل  الحقد  البگلبک  وکبرا

(اوخل گلبک سلیم ابکل قضیّه)

**********************

وحید ابضیم  خلک منتخلی

لتزعل من  یگلک  منتخلی

أنتخه الیدرک خویّه منتخلی

(لئیم او عاش بفکاره الردیّه)

********************

الناس الضیم  هم  مثلی  یَمرهُم

و لاکن  ضیمی امچمل  یَمرهَم

احطّک عل جرح مالک یَمرهَم

(بدال الشفه اتزید الألم بیّه)

**********************

شجی یمکم  شراسلکم  شراکم

ابثمن دمّه الگلب حبکم شراکم

نظرکم   شنهو  گلولی  شراکم

(اذا مو کافی روحی الکم هدیّه)

***********************

وحگ بیت البقی للحین طربی

ویه الأحباب بس ایکون طربی

یَطیرالشوگ هاک الگلب طربی

(یرید الکل محب یاخذ تحیّه)

********************

افتخرنه احنه أبأهالینه وزینه

او تحدینه  الظلم  کلّه  وزینه

نموذج  صرنه  للعالم  وزینه

(لئن منهجنه سیره الأحمدیّه)

*********************

أبغیابک  ما  أمیز  الزین  وشین

اوگمت ما الفض آنه السین وشین

المشاکل من اجن  یاخوی  وشین

((اتّراگد من أثر بعدک علیّه))

*******************

اذا من الحبیب اگطعت وصلای

دلیلی ابنار أذبّه أعتقد  وصلای

مو مثلی الیعوف المحب وصلی

((أتخذ اخلاق من سیدالبریّه))

*****************

یَروحی باشری احبابچ ورودی

وصلهم  مای   ویغذی  ورودی

واثق  آنه   من  اوّل    ورودی

((ابجمعهم وعرفت بیهم حمیّه))

************************

تحیاتی لکم زوار الموقع

ایوب الکربلایی

نظرات شما عزیزان:

نام :

آدرس ایمیل:

وب سایت/بلاگ :

متن پیام:

نظر خصوصی

 کد را وارد نمایید:

 

 

 

عکس شما

آپلود عکس دلخواه: